الشعب لابد له من حكومه تشكمه,,والحكومه لابد لها من شعبا تحكمه....
فهنيئا للشعب بالحكومه وهنيئا للحكومه بالشعب.
هذه مقوله تسخر من واقع حياتنا.ونتمنى ان تصبح :
الشعب لابد له من ديموقراطيه تحكمه..والحكومه لابد ان تطبق هذه الديموقراطيه ووقتها نقول هنيئا للاثنين..
المدونه دى سمك لبن تمر هندى ,,بتتكلم فى كل حاااجه..
تحديييييث: سفير الجزائر: لن نعتذر ولا يوجد نيه لذلك..
من الاخراخبطوا دماغكو فى الحيط,,,,والله عالم رايقه..
وفى بانر على موجه كوميدى عباره عن اعلان حرب بيقول:
مكتوب بالحرف: قناة موجه كوميدى تهيب بالمصريين ان يلتفوا حول قيادتهم على قلب رجل واحد لنعيد حسابتنا ونحصل على حقوقنا,القوى لا يهاب الصبيان والمرتزقه ولتكون وحدتنا قوامها العمل والتحضر وليعلم الظالمون اى منقلب ينقلبون,,,,
****************
عماله الف وادور ومش عاوزه اتكلم كتير عن اللى بيحصل دلوقتى ما انا اتكلمت وقلت اللى جوايا من كام يوم , واتكلم فى حجات عاتفيه,علشان اغير المود. لكن خلااااااااااص اتخنقت افتح التليفزيون بخخخخخ الجزائر وحشه,ا فتح البوتاجاز بخخخخخخخخ الجزائر كخه, افتح الباب بخخخخخخخخ اوعى تنسى الجزائر اخيييييييييه. شغاااااااااااااااااااال يونيفرسال.. انا من اللى بيحبوا كورة القدم,انا من اللى بيشجعوا مصر بكل حماسه,لكن كده كتييييير, عموما فى كلمتين واقفين هيخنقونا وعاوزه اقولهم الله يخليكو ,تسمحولى؟؟ انا مؤدبه زى علاء وبستاذن اهو, زى ماهو استأذن قبل ميشوط فى ابراهيم عيسى:) , شوية ملاحيظ من منظورى الخصوصى وما ادراكم ما منظورى الخصوصى,,خد عندك:
1_**** مزهقنا فى التليفزيون احنا مظلومينواحنا واحنا وتروح تشوف بره تلاقى الدنيا كلها شايفانا احنا وحشين ومفتريين,والفيفا هيوقع عقوبه علينا,دا يتسمى اييييه؟ دا ايييييه؟
بنسخن فى بعض وخلاص.طول عمرنا كده عمالين ناكل فى ودان بعض وخلاص لكن فعل مفيييش.
ليك حق ورينى هتاخده ازاى؟ ليك حق انشر ده واعلن ان ليك حق وورينى خطوات على ارض الواقع بتاخد بيها حقك ده.لكن ناكل ودان بعض على الفاضى كده !!!
2_*** ايه باه اللى حصل للمصريين فى السودان؟؟؟؟؟؟؟ الازاز وقع عليهم؟ كانوا بيتحدفوا بالطوب والناس بتجرى وراهم؟
الناس كانت بتجرى ورانا اهئ اهئ وبيحدفونا بالطوب اهئ اهئ ,
واحد شتمنى بألفاظ ابيحه ياااااى اهئ اهئ,
ودانى اتعورت من الشتيمه اهئ اهئ, ,
بصلى فى عنيا وبرقلى اهئ اهئ,,
وبعدين ايه كمية العياط اللى عندنا دى وايه كمية الرجاله اللى بتعيط دى, لا والمشاهدين بيتصلوا يعيطوا..!!!!!!
كله يعيط وينهنه ايه الخيبه التقيله دى بتعيطوا ليييييه؟
ولا الست فردوس عبد الحميد اللى فكرتنى بعادل امام فى مدرسه المشاغبين لما قال:بيقلعلنا البنطلون فى الفصل يابيه...!! بتعيط وهى بتقول قالعولنا البنطلون..!!!!
شئ طبيعى ان دول اول ميشوفوا جزائرى جمبهم قالهم ياوحش ممكن يجيلهم هارت اتاك,
لكن لو راح المشجعين اللى بجد ولا كان الكلام دا كله أثر فيهم,
واراهن كانوا هيرجعوا ولا كانهم شافوا حاجه ولا حصلهم حاجه ,اه والله اصل الحجات دى عندهم من بديهيات التشجيع وبتحصل فى الدورى المصرى اوقات يعنى. لكن لما يروح شويه خنافس اكيد هيتصدموا .
3_**طلع مسؤلين يقولوا احنا كنا عارفين ان هم بيحضروا لكده!!!!!!!!!
ولما انتو عارفين باعتين شوية خنافس وفنانين ليييييه؟
باعتين شبابلو واحد قلهم بخخخخخخ هيموتوا من الخضه لييييييييه؟ فين مشجعين الكوره اللى بجد,دى المدرجات كانت هسسسسسسسسس ومقفين لينا شوية فنانين يعيطوا فى المدرجات لما الجون دخل.. كوسه فى كل حاجه حتى الكوره وتشجيعها باه فيها كوسه وواسطه .حاجه تقرف.
مأمنتش الناس اللى هناك لما انت عارف ليه؟
لما المواطنين غالين اوى عليك كده ,موفرتش ليهم حمايه ليه؟
السفاره اللى هناك دى مكنتش عارفه اللى بيحصل؟ ولا هم دورهم ايه بالظبط؟ ويقولك احنا لو بعتنا قوات كان هيباه تعدى على السودان ياسلام متلبسهم مدنى,,, ياسلااااام صعبه دى؟
4_**وزير الخارجيه طلع فى تصريح قال اللى حصل دهبسبب الاعلام الموجه دا قاله بعد الماتش علطول,, تانى يوم قال والله مقولت كده , وبدأ يهاجم الجزائر.
تصدق طول عمرى بسمعك تقول الكلمه وترجع فيها لدرجة انى بعتبر مصر بدون وزير خارجيه.
5_**** جمال فين؟؟؟
هو مش كان هناك برضه مع علاء,اشمعنى علاء هو اللى بيتكلم وبسسسس؟؟؟؟؟هاه اشمعنى؟
6_***بعض الرخمين فى الجزاير ( على فكره فى رخمين من الطرفين) طالعين يقولوا استنونا فى انجولا ,!!
اوم ايه ابراهيم حسن قال احنا المفروض اننا نبدأ نجهز من دلوقتى لانجولا ونشوف مين هيروح هناك ونظبط الناس ونبعتطيارات حربيه ومفيش فنانين ولا بنات يروحوا وناخد حقنا هناك...!!
ياحلاااااوه ياحلااااااوهايه الطعامه دى دحنا معملنهاش مع اسرائيل ياهيما.
وماله وماله تعالوا نحارب الجزائر ونباه الاختين هناء وشيرين اللى حاربوا بعض علشان المصاصه قصدى الماتش.
7_***فى دلوقتى سياسة وتوجه دوله وبتفرضها على الاعلام وهى الجزائر كخه,
تامر امين اللى طلع يشتم عمرو اديب ويقوله العروبه والاخوه,, فجاه وبقدرة قادر وبعد مكاملة علاء مع الغندور اتقلب 180 درجه وشتم فى الجزائر.تقلب هنا تلاقى مصطفى عبده على شوبير على ابراهيم حجازى على تامر امين وخيرى على معتز كلللللللللللللله بيشتم,,,
لو حد عاوز يوقفهم ويقولهم بااااااااااااااااااااااس كله هيبس,لكن دا واضح انه مطلب الدوله.
8_*** الست هيفا كمان لازم تدلو بدلوها وقالت انا مش هغنى لبتوع السكاكين والمطاوى ومصر ام الدنيا,يلا انشكحوا ياشعب مصر الست هيفا فى صفكو ,افرحوا باه..
9_ بتوع الجزائر باه عاجبنى,,,,بروووووووووووووووووود اهروا وانكتوا فى نفسكو ولا هنعتذر,
حتى مفيش اى اعتذار من اى جهه لا فنانين ولا محامين ولا اى حد بيشجب,, كله مطنش..
يعنى رئيس الدوله او وزير الخارجيه اللى ملوش اى لازمه فى الحياه هم اللى هيجيبوا حقنا.
لييييييييييييييه الموضوع باه على مستوى الشعوب,,, دى اول مره تحصل.,فى ايييييييه؟
انا عاوزه اعرف فى ايه بين الدولتين واحنا منعرفهوش وفجاه اتلككوا فى ماتش كوره..؟؟
دا زى ميكون الطرفين قرروا سيبوا الشعبين على بعض ,يخلصوا هم على بعض.
11_**اخيرا السيد علاء مبارك الله يخليك بطل تزغزغنى فى مشاعرى :(
وانا مشاعرى روهيفه ومش بتستحمل ,يعنى انا اسبهليت لما سمعتك مع خالد الغندور وقلبى قعد يعمل بوم بوم تك تك,,
لكن لما سمعتك فى البيت بيتك زغزغتنى فى مشاعرى اكتر, لدرجة انى حسيت انى هقول:
هذا هو اباما المصرى,... :)
سبحان الله انت فعلا الناس كلها بتحبك اتفقنا او اختلفنا,, انت قريب من قلب الناس.. احم احم وانا طبعا من الناس اصلى بحب الرجاله الحمشين مش اللى طالعين يعيطوا وينوحوا. بس الله يخليك براحه علينا الناس دمها حامى وطالعه فى مظاهره بتقول ودونا الجزاير:( الحرب هتقووووم بسبب المصاصه قصدى الماتش. براااااااااااحه,,, بشووووووووويس على الشباب.. زعلانين من اللى حصل هاتولنا حقنا على ارض الواقع بعييييييييييد عن الشعووووب وثورتهم. ثورة الشعوب لو اشتعلت محدش هيعرف يخمدها,والامور هتتطور. واللى حضر العفريت يصرفه.
طبعا لا حديث يعلو فوق المعركه والجبهه وخط النار فى السودان.. (اذا هى الحرب دقوا الطبول) او دقوا المزاهر,دقوا اى حاجه,, والله ماليا نفس اهرج,:( اصل عندى حالة الـ هه ,كل محد يكلمنى اقوله هه هو فى ايه؟
واراهنكو بعد الكلمتين دول لو اترشح للرئاسه ,,هينجح ويكتسح..
دا قال كفايه كده ماسكين ذله علينا؟؟ واللى يهنا ياخد على دماغه؟ (الله حمش حمش بموووووووت انا فى الرجاله الحمشه)
روستوك روستوك يازكى ياروستوك.
فى سؤال باه محتاره فيه ومؤرقنى نفسيا جداااااا :
انا ليا صاحبه من ايام الجامعه وهى من الجزاير كانت بتدرس فى 6 اكتوبر..
المطلوب منى ايه؟ اعمل معاها ايه دلوقتى؟؟؟؟؟؟؟؟؟؟
اصل فى حملات مقاطعه اليومين دول وانا اخاف يتهمونى انى مش مصريه وانى عميله ودسيسه وخائنه.
والبونيه مكلمانى لسه امبارح وبتغيظنى وتقولى كسبنا,:( وكانت بتهرج معايا وعادى:(, طبعاااااااا هتسالونى عملتى معاها ايه؟ اقولكو انا مسكتش لما هى هرجت, كله الا كده,انا عملت اللى المفروض انه يتعمل, انا كمان هرجت , وقلتلها بعتولنا طيارات جيش يامفتريه:)
كلمه باه وهى خلاصه الكلام. ياريت البلد ووزير الخارجيه ( اللى هيجيبلى هارت اتاك) دا وزير خارجيه تحفه من تحف الزمن.
ياااريت يتحركوا , علشان المصريين المهانين ,مش بس فى الجزاير ,المصريين مهانين فى كل انحاء العالم و فى الدول العربيه,ياريت تحافظوا على كرامتنا جوه علشان نعرف نحافظ عليها بره ,,
بجد مذهوووووووووووووووله من اللى بيحصل.هو فى ايه؟ الدنيا فجاه اتقلبت كده ليه؟ وبعدين فى حاجه مش مفهومه يعنى ايه بوتفليقه يبعت طيارات جيش,؟؟!!!!!!! ومبارك اللى معروف عنه الهدوء وانه مش بياخد مواقف انفعاليه مع الدول ,يعنى ايه يسحب سفير ويعمل دا كله وعلاء يدخل يقول كلام, مصر كلها تتحاسب عليه ومش مصدقه انه قاله كده بدون مياخد رأى حد يعنى دخل قال كده على الهوا من نفسه؟ من امتى؟؟؟؟؟؟؟؟ محدش يقولى دا حصل علشان الناس اللى اتضربت...
لان احنا ياما اطحنا فى الجزاير ومستعده اجيبلكو فيديوهات لماتشات مصر واحنا بنتحدف بالازايز والاعيبه دماغها مفتوحه هناك.. لكن المرادى فى حاجه مش مفهووووووووومه فى ردود فعل الرؤساااااااااااء..
العمليه وسعت اوى وبعدين كله ماشى يشتم فى الجزائريين ,مش كده ياجماعه هنشيل الشعب كله الليله.. يعنى انا اعرف ناس جزائريين اعمل فيهم ايه اموتهم ولا ادفنهم ولا ايه بالظبط؟صاحبتى اللى اعرفها من سنين هتفضل صاحبتى ومفيش حاجه هتغير الكلام ده.
بمناسبة التاج اول تاج جالى كان من رامى صاحب مدونة يوميات شاب منوفى,,رامى مختفى من فتره طويله واخر بوست ليه كان مقلق شويه ,فياريت اللى يعرف عنه حاجه,ياريت يطمنا...
عندى تاجين:)
اول واحد جالى من اميره على كوكب مهجور,,شيكولاته,رئيس دولة شومبونجو....
اسمك؟
شيماء بس بحبه شيما كنت بحبه كده من اصحابى الخليجين
اسم مدونتك؟
الشعب لابد له من حكومه تشكمه
مجال دراستك؟
ليسانس آلسن جامعة عين شمس
هل فكرت في اغلاق مدونتك؟ والسبب؟
لا مفكرتش,السبب مليش مزاج:)
ايه رد فعلك لو حد قل ادبه عليك في المدونه؟
ولااااااا اى حاجه,كل اناء ينضح بما فيه.
أسوا مدونه دخلتها؟
امممممممم للاسف هى مش مدونه واحده هى مجموعة مدونات يعنى كفايه انك تدخل واحده منهم وتشوف الريدر عندها تعرف ان الطيور على اشكالها تقع...مدونات من اسوأ ما يمكن ومستعده اقول اسمائهم بس للاسف هم اقل من انى اذكرهم او اعملهم دعايه والناس تروح..
هيحصل ايه لايميلك بعد ماتموت؟
ميحصل اللى يحصله انا هشغل بالى بيه ليه,بس عموما هيتنسىزى صاحبته لما تموت وهيباه مجرد اسم فىالليست .
اديت الباسورد لحد قبل كده؟
اه
السفر بالنسبه لك؟
متعه بس بكره انى اتعود على مكان واسيبه بكره اللحظه دى
المود بتاعك ايه؟
اخضر بفيونكه:)
فى العام مبتسمه,ومتفائله مع ان اوقات مفيش اى حاجه تدعو للتفاؤل بس بتفائل غلاسه:).
بتعمل ايه وقت فراغك؟
بحب القرايه جدااااااااااااااااااا,بعلم ابن اخويا اى حاجه جديده عنده سنتين لما بعلمه حاجه بحس انى عملت انجاااز. وممكن اخرج اغير جو.,او انزل اتسوق ,ناس فاضيه باه:).دا غير النت.
الاكلات المفضله؟
مش اكيله اوى بس بحب المكرونه بالبشاميل ومحشى والدتى على وجه التحديد,وبموووووووت فى صنية البطاطس
الصفات التي اخدتها عن والدك؟
_الشبه :)
_الهدوووووووووء والتحكم فى الاعصاب
_المجامله والابتسامه الدائمه
_لما اقول كلمه لازم اكون ادها وانفذها والتزم بيها والا مقولهاش من الاول
الصفات التي اخدتها عن والدتك؟
مش بعرف اعبر عن مشاعرى وخصوصا لما احب حد جدااااا :(,,بعمل ده فى صورة تصرفات, مش بعرف اعبر بالكلام:( وللاسف كتير مش بيفهموا ده.
_لو اتحطيت فى اصعب موقف مبتهزش واقدر اتصرف.
_القلق على كل اللى حواليا
اكتر 6 حاجات بتحبهم؟
_واضح طبعا من البوستات اللى فاتت الوررررررد
_ابن اخويا مودى
_بعشق انى امشى تحت المطره الخفيفه
_العيون المليانه حنيه بحبها اوى فى عيون تحسها حنينه عليك.
_القلوب النضيفه ,فى ناس من جوه نضيفه
_شيكولاته جالاكسى
اكتر 6 حاجات بتكرهم؟
الكذذذذذذذذذذذذذذذب
الوقاحه
حدف الطوب فى ناس بتحدف طوب وهى بتتكلم.
الالفاظ الخارجه
اللى يقول كلمه ويطلع مش ادها ,,يكون عيل يعنى.
بكره الاحساس بالملل والروتين.
شخصيتك نوعها ايه؟
كوكتيل زورونا تجدوا مايسركم كل شئ ونقيضه هتلاقيه.:)
لماذا دخلت عالم التدوين من الاساس؟
كنت عاوزه اتكلم عن حجات بتضايقنى فى مصر من كل النواحى.
اهميه التعليقات بالنسبه لك؟
تواااصل مععقول تانيه ,دا غير بتحس بتواصل ارواح معاهم:)
احلي بوست كتبته مع ذكر السبب؟
هو انا بكتب حلو اصلا:)
افضل مدونه قريتها؟
كتيييييييييير بص فى الريدر
اهميه الانترنت بالنسبالك؟
جميل بس لو مش موجود مش هموت.
***********************
التاج التانى جالى من دودو عاشقة الرومانسيه:)
اسمك واسم مدونتك؟
قولنا فووووووووووووووووووق
احب الالوان؟ الايام؟ الارقام؟
الاحمر – مفيش يوم معين بس اليوم بيكون حلو بأحداثه وتفاصيله – مفيش رقم معين بس ممكن نمشيها 2 علشان مش بحب اكون لوحدى.
العيوب: لما بقفل,يعنى لما اقفل من حد او من حاجه معينه خلاااااااص انتهى,
_مش بعرف اعبر عن حبى لحد, بمعنى لما احبك جدااا مش بعرف اعبر عن ده بالكلام بس هتلاقيه فى التصرفات, لكن لما اكون مش بطيقك تلاقى ده واضح جداااااا..
_ دموعى قريبه:(.
الصفه اللى بتمنى وجودها:القدره على السماح للاسف لو حد جرحنى او عمل حاجه تضايقنى مش بسامحه.طالما مش بجرحك او بضايقك مش من حقك انك تعمل كده علشان كده مش بعرف اسامح:(
ماهو مكانك المفضل؟
بحب بيتنا جدااااااااااا.
ايه هى هوايتك المفضله؟
القرايه
ما المقوله اللى تؤمن بها؟
_ النصيحه فى العلن فضيحه..
_ ان انت اكرمت الكريم ملكته وان ان اكرمت اللئيم تمردا..
اجمل هديه قدمت لك من مين؟
_كان فى ساعه معينه كانت عجبانى ومكنتش اشتريتها والدتى جابتهالى مفاجاه.
_بوكيه ورد احمرررر كبييييير وشكله تحفه مرات اخويا جابتهولى يوم عيد ميلادى.
_بوكيه ورد ليدى جبتهولى يوم لقاء المدونين وكانت حاجه لمستنى جدااا
_حرف اتش دهب اخويا الكبير جابهولى(اول حرف من اسمه) علشان احطه فى سلسلتى.
حجات كتير بس كلها من قرايبى :)فاهمه انا السؤال :)مفيش حد تانى:)
اسعد يوم فى حياتك؟ واتعس يوم فى حياتك؟
مفيش يوم اقدر اقول عليه اسعد او اتعس.
موقف طريف لا ينسى من ذاكرتك؟
يوووووووووه تحبوا احكيلكوا ايه ولا ايه اصل الطرافه بتجرى ورايا:)
معاك ثلاث وردات لمين تهديهم ؟
ورررررررررد واهديه لمين؟؟؟؟؟ ليا طبعا..
معاك ثلاث رصاصات على من تطلقهم؟
_على الناس اللى مناخيرهم طويله وبيحطوها فى اى حاجه متخصهمش
_على الناس اللى مش بتراعى شعور اللى ادماها وتحدف طوب وهى بتتكلم
_على الغباااء بكره جداااااا الغباء
ايه رايك فى الحب؟ ولمن تقول اجمل كلمه حب؟
الحب جميل للى عايش فيه :),
لمين(بما انى فاهمه السؤال فمش هقول عيلتى والكلام ده) معنديش حد اقوله اجمل كلمة حب:)
هل من السهل ان تمثل الحب لشخص يحبك لعدم جرح مشاعره؟
لا مستحيل لانه هو كده اللى هيتجرح فى الاخر برضه لما يحس انه بيحب اوى واللى ادامه مش بيحبه قمة التعاسه,,تعاسه للطرفين,
المراه فى نظر الرجل .......... أكمل ؟
خير متاع الدنيا اذا كانت صالحه.
الرجل فى نظر المراه.............أكمل؟
الاستقرار
ماهو اسعد خبر سمعته هذا العام؟ وماهو اتعس خبر؟
اممممممممممم برضه مفيش حاجه معينه..
نهدى باه التاجين لمييييييييين: اولا فى ناس جاوبت على واحد منهم فكل واحد يشوف مجاوبش على ايه وياخده واللى مجاوبش على الاتنين ياخدهم فى ايده:)
__ دكتوره ستيته:) __ سنيور هانى المصرى جدااااااا __ ليدى اللى مش عاوزه تكبر _دودو عاشقة الرومانسيه _ اميره على كوكب مهجور _ صلاح مسدس صغنن _ابراهيم (كانى اتكلم) _شيكولاته _ مستر حازم من غزه (وعدته اننا لما نكسب الجزاير هجيبله هديه يلا خد تاجين اهو) _شاب فقرى. _ قلم رصاص. _ ساسو او سكره مش عارفه احدد اسم مدونتها ايه دلوقتى:) _جمهوريه شومبونجو _ باشمهندس احمد ابو العلا. _بدراوى
_خواطر شابه(من المغرب وكانت بتشجع مصر:)
_ عادل ,البلد دى فيها حكومه
بعد الركب مسااااااااااااااااااابت,وبعد الهارت اتاك مخلااااااااااااااااص كانت بتقول انا اهووووووو,,, وبعد ما كل الاستاد غرق فى الهدووووء وبيتنا احنا كمان,وبعد ما كل العيون اترسم فيها الحزن ... جووووووووووووووووووووووووووووووووووووووووون:) جون جيه فى الوقت بدل الضايع ,اوعوا تكونوا فاكرين ان متعب اللى جاب الجون.,, دى دعواااااااااات المصريين :) وعقبال يوم الاربع ان شاء الله...
ملحوظه: بعد مشوفت المنطقه عندنا واللى الناس عملته بعد الماتش قلت فعلاااااااااا الشعب نفسه فى حاجه تفرحه,... ارجوووووووووووووووووووووكو:سيبو الناس تفررررررررررررررح..
فى ناس لطيفه بتقول تفاهه وماتش ايه...؟؟
الكوره يا حضرات مش تفاهه ومش معنى ان حضرتك مش بتحبها انك تتفه من اللى بيحبها...
لما تكون الكوره هى الحاجه الوحيده اللى بتفرح قلب الشعب فى عز اكتئابه تباه حاجه مش تافهه..
لما تكون الكوره هى اللى كله بيتابعها بدون اى فرق فى الطبقات الغنى زى الفقير,, المتعلم زى اللى مش متعلم وتذوب كل الفوارق فى الاستاد تباه مش حاجه تافهه..
الكوره هى الحاجه الوحيده اللى بتخلى الشباب والاطفال يعرف علم بلده ويكونوا فرحانين بيه ويرسموه على وشهم ,انا شخصيا شايفه اناحساسهم بالانتماء والحب لمصر حتى لو فى الكورهشئ مش تافه..
بفرح لما انزل الشارع الاقى كلقهوه وكافيه حاطه العلم’حتى محلات الطرح بتاعة البنات بيعملوا فى الفاترينه علم مصر بألوان الطرح..
لو هنحب مصر ونحسها ونعلن انتمائنا ليها حتى لو فى ماتش كوره محدش والنبى يتفلحس ويقولنا بلاش خيابه..
سيبوا الناس تحس انها بتعمل حاجه وهى مبسوطه وفرحانه وحباها...هنلاقيها منكو ولا من الحكومه وظروف البلد.
سيبو الناس تشجع مصر وتحب الكوره والحبه بتوع الثقافه اللى بينقحوا علينا ارجوكو ناجلهم شويه,,اوقات بيكون جميل اوى لما نتجنن ونعمل حاجه حتى لو ملهاش معنى...
الكوره عند الشعب المصرى تقدر تنسيه همومه ,ليه مستكترين عليه انه ينسى همومه.
اخيررررا :
اللهم ضيق مرمى منتخب مصر ووطى عارضته لتحت شويه,,
اللهم وسع جون الجزاير ادام ابوتريكه...
اللهم كل كوره للجزاير تيجى عندنا تباه تسلل وكل لمسه تباه ألشه..
اللهم كتر لنا من الفاولات فى منطقه الجزاااااااااء ,
اللهم ارزقنا ب 3 بلانتى وندخلهم يارب..
اللهم اجعل الحكم نظره ضعيف علينا قوى عليهم..
يااااااارب عصام الحضرى ميعملش الحركات الافتكاسيه اللى بتطلع منه سعات,,
يارب اجعل فى وجه وائل جمعه رهبه تجعل كل لاعب جزائرى يتخض و يطلع الكوره بره..
يارب احمد حسن ميعملش الحركات السخيفه بتاعته ويفضل ماشى بالكوره ساعه مش عاوز يديها لحد..
زيدان باه,, يااااااااااااااااااااااااارب اهديييييييييييييه واغفرله ومتاخدناش بذنبه لو عمل حاجه تغضبك يااااااااااااارب احنا مساكين يارب..
**اذا جعلتك حواء تصدق انها بلا مشاعر ,فاسمحلى ان اقول لك:انت من اغبى الرجال.
**اى مشاعر من وجهة نظرى لا تحتاج للكثير من الكلمات ولكنها فى راى تحتاج الكثير من الافعال.....
**اى حواء تعشق باذنها وهذا شئ يعلمه الجميع, لكنى ايضا ارفض اختصار العشق فى كلمات , ماذا تفيدنى الكلمات ولا يوجد نظره حانيه.؟؟ ماذا تفيد الكلمات وليس هناك احتواء وانصات...ماذا تفيد الكلمات وفى بعض الاحيان الصمت يكون ابلغ من الكلمات...
**عندما تبدا حواء فى الانصات اعلم جيدا انها تريد ان تسمع مفرداتك,ان ترى انفعالاتك وانت تتحدث,ان ترى تفاصيل وجهك مابين الابتسامه والعبوس. تريد ان تسمع ارائك فى الحياه ,تريد منك ان تبهرها ,ارجوك اجعلنى انبهر بك....
**كن جريئا فانا اعشق الجرأه,كن جريئا وليس وقحا,, بين الجرأه والوقاحه خيط رفيع اذا انقطع تخسرنى للابد.
**لا اريد رجلا كلما تحدثت معه قلت: ارجوك حاول ان تفهمنى......
** عندما ابكى لا اريد منك تحليلا للموقف,عندما ابكى لا اريد منك ان تحثنى عن القوه,عندما ابكى لا اريد منك ان تخبرنى ان اتوقف عن البكاء.فقط اريدك ان تحضر منديلا وتمسح دموعى وتبتسم وتخبرنى ان كل شئ سيكون على مايرام...
**ادم انا لا اريد منك ان تصبح سوبر مان,لا اريد ان تخطفنى على حصان , لا اريد ان تهدينى مصباح علاء الدين,,فقط اريدك رجلا يحتوينى ...
**عندما نكره شخصا كثيرا ,نكون عشقناه كثيرا ولم نتخلص بعد من عشقه,,,ينتهى هذا العشق عندما يصبح فى حياتنا شخصا عابرا ترك ذكرى ورحل و لا نمتلك تجاهه اى مشاعر سواء كانت كره او حب..ويصبح مجرد صفحه فى كتاب الذكريات..وقتها نكون بالفعل تخطيناه.
** اذا بدأنا فى مرحلة سأتصل بك لاحقا ,اذا بدأنا فى مرحلة عفوا لم استطع الرد كنت مشغول,اذا بدأنا فى مرحلة اتصل بك لانك تريدنى ان اتصل بك..فاعلم ان تلك هى بداية النهايه...
** اذا كنت انت انت,,وانا انا,ترى متى نقول نحن نحن...؟؟؟؟
اولا صحيت الساعه 9 فتحت عنيا نزلت رجلى من على السرير.. الله مش انتو اللى بتقولوا احكى بالتفاصيل..طيب نختصر المراحل دى.. ركبت التاكسى ونزلت ملقتش حد ادام مستشفى الاطفال كلمت صبرنى قالتلى احنا عند الباب التانى..روحت.
وان ان تششششششششششششش..
لقيت هناك صبرنى يارب دمها شربااااااااات وهرجت معاها كتير طول اليوم وحبيتها جدااااااااااااا ..وبصراحه كتر خيرها هى عملت مجهود جاااااااااااااااامد جدا جدا جدا ولولاها مكنش هيكون اللقاء ده..
وبراهيم كانى اتكلم,, وصلاح مسدس صغنن,, يانهارى على الزهايمر:) كان فى ناس تانيه اه كان فى صاحب مدونة بيوتيفول مايند, وصاحب مدونه البحث عن(مش فاكره الحقيقه هو بيبحث عن ايه اصلنا اتناقشنا فى النقطه دى :)بس حد محترم جدااااااااااا .وكان فى ناس تانيه.بس الذاكره ابيضا..:( معلش سامحمونى والله زهايمر زهايمر فسامحونى فى الاسماء واسماء المدونات...
وبعدين اذ هل علينا الاخوه من القاهره.. بت خيخه واى كلام,,داليا قوس قزح.,,خالد همس الاحباب,,وست الكل فاتيما(امر ياناااااااااااس:) كان فى عسقلانى كمان ,,هاااا فى حد تانى ولا نسيت:(
ودخلنا المستشفى وتم التبرع بسلامه الله ومحدش اغمن عليه علشان كنا رجاله ووقفنا وقفة رجاله :) وشفنا جوه: بنت المنصوره واختها,,وسول,وساسو صاحبة مدون الحمامه النائحه ههههههههههه(اتريقنا كتير على الاسم:) وخصوصا النائحه دى:), وساره صاحبة مدونه رحيل(سكرررر مكرر البنت دى هرجت انا وهى كتير), ودرش باشا مدونة(فك زنقه) , ومين تانى :( كان فى كتييييييييييييييييير,,الزهااااايمر:(واستاذ حسن البنا شخصيه محترمه جدااا.. وعسقلانى اتكلمت معاه شويه صغننين بس حد لذيذ:)وعاشقه وغلبانه,والاحزان ايناس.وحلم كان,وساندرا.. .كان فى ناس تانين :( بعد كده الذاكره خلاص ابيض مش فاكره:(... وفجأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأأه واحنا فى المستشفى دخلت ليدى اللى مش عاوزه تكبر هى ومامتها واميره على كوكب مهجور ومامتها وسمعت ناس بتسأل عليا.. سلمت على ليدى وجابتلى :)
(انا عاررفه انى نسيت ناس:( لان العدد كان فعلا كبير بس سامحونى والله الذاكره بعفايه)
خلصنا المستشفى روحنا على مسجد السلاب صلينا الجمعه وطلعنا على كوك دوور اتغدينا وطلعنا بعد كده على نادى الاطباء...
عملنا تربيزة مؤتمرات كبييييييييييييييره ايون اللى هى تقعدوا مسافرين ساعه على متوصلوا لاخرها,,لان العدد كان كبير...وطبعا محدش سامع حد:)
فكل واحد قعد ينم مع اللى جمبه شويه...... بس استاذ حسن البنا(بجد بقولها تانى شخصيه محترمه) اتناقش فى موضوع ان المدونات لازم تكون ليها هدف وفكره ولازم تتطور اكتر من كده...
وقعدنا تانى نرغى مع بعض وكنت بتكلم انا وليدى ان بدراوى زعلان علشان مجاش وبقولها زمانه مقموص مننا..
وفى نفس ذات اللحظه لقيت صبرنى بتنادى عليا وبتقولى كلمى اقولها مين تقولى مش راضى يقول:) وبيقول عاوز يسلم عليكى.
وفجاه قررنا نركب مركب فى النيل:) دى كانت احلى حاجه بجد فى اليوم فضلنا فيه ساعتين:) بس كانت مأساتنا اننا نطلع على المركب نفسها (هى مش مركب صغيره هى دورين بس اننا نمد رجلينا وتحتينا الميه والكلام ده,,) امبوسيبل:)
شيلنا الخشبه طب نطلع ازاااااااااااااااى..:( خيخه كانت اول واحد فطت جوه المركب ولقيناها فى الدور التانى ازااااااااااااااااااااااااااااى معرفش من غير خشبه ولا اى حاجه:) المهم عمو بتاع المركب قربلنا المركب شويه وكله طلع وانا بصراحه كنت خايفه جدااااااااااااااااااا من الطلوع ,, ولو وقعت البريستيج هيتبعتر ومش هعرف المه,,وهيباه شكلى وحييييييييييييييييييييييييييش.. بس فاتيما مسكتنى كويس وطلعت الحمد لله:)..
ولان العدد كان قل لان فى ناس مشيت فبدأ كله يعرف بعضه ويتكلم مع بعضيه,,,...... .وكان وقت تحفه وطالبت من الاخوه الاشقاء فى القاهره ان ينقلوا ما شاهدوه بام عينهم ويثبتوا ان مفيش فطير مشلتت بيتحدف يمين ولا فراخ وكتاكيت شمال ولا ازيكن ازيكن والطعامه دى كلها.....
ووقفنا تاكسيات وكل مننا ذهب اللى مدونته قصدى بيته..,,
ركب صلاح معايا فى التاكسى ودفعلى على فكره:) واقول لبتاع التاكسى خد حساب واحد وصلاح يقوله اتنين وانا اقوله واحد وصلاح يقول اتنين:) الراجل زهق وقال اخد واحد ولااتنين؟؟؟؟؟؟؟؟
راح صلاح قاله شفت الستات دلوقتى بتمشى كلامها على الرجاله:( الراجل زى ميكون عجبته الكلمه او جت على الجرح وتعاطف مع صلاح اوىىىىىىىىىىىىىى:) وعليا كده لصلاح 2 جنيه,, كوينز ياصلاح.. وصلت بيتنا الساعه 6 تقريبا......ورجعت مبسوطه بجد وفرحانه بجد:)
الناس اللى مجتش ,محدش يكلمنى منهم علشان انا مخصماهم وزعلانه منهم...ااااااااااااااااااااااااااااااااااااااد كده:(
دكتوره ستيته مشرقتيش جبت فى سيرتك كتير:) وزعلانه علشان مجيتيش:(,,,
سنيور هانى جبت سيرتك كتيييييييييير وكان نفسى تكون موجود..
شاب فقرى(مش هعلق على عدم حضوره علشان انا مش بكلمه) بس انا قلتلهم من كتر مأكد انه جاى كنت عارفه انه مش جاى:( واوعى تكلمنى وخدلك ساتر اليومين دول منى..سامع؟؟؟؟؟؟؟؟
بوسبوس برضه قعدت تقول جايه ومجتش,,
,بنت قلبى برضه انا زعلت جداااااااااااااااا انها مجتش لانى عارفه كانت اد ايه بتتمنى انها تيجى وانا والله بحكى بالتفاصيل علشانها وعارفه اد ايه زعلانه بس كنا فى سيرتك والله... وبسمه انور برضه كان نفسها تيجى ومعرفتش..بس انتو مش زعلانه منكو علشان عارفه الظروف..
اقولكوا باه انطباعاتى عن الناس (سيبونى ارغى براحتى اول مره احضر لقاء)
صبرنى يارب:جدعه وسكر ودمها خفيف وزيها زى المدونه هى هى مفيش تغيير بالعكس فى الحقيقه دمها اخف اكتر بكتير..
كاتب مصرى.ابراهيم العدوى: غلست عليه كتييييييييييييييييييييييير جدا متزعلش يابراهيم,,اصله فى المدونه تلاقوه رومانسى ومسهوك وكل متدخلوا هناك تلاقوا قلوب بتتحدف عليكو وحب فى حب...فى الحقيقه هو مش كده , ايه اكذب يا ابراهيم:)...؟ مش الشخصيه الهاديه اللى تصورتها من كتاباته..:)
بت خيخه واى كلام:اتكلمت معاها قليل بس شخصيه جدعه ويعتمد عليها,,ومرحه ومفرقتش كتير عن المدونه غير ان شكلها صغنن:)
داليا قوس قزح: شخصيه لذيذه جدااا ومحترمه فعلا...للاسف انا معرفهاش قبل كده علشان احكم اذا كانت متغيره عن مدونتها..
خالد همس الاحباب: يعينى الجاكت بتاعه اتبهدل اخر بهدله هههههههههه كل مره يجيبه من تحت مدون قاعد عليه انا كنت اخرهم:) وفى الاخر لبسه وزهق فبقوله انت بردان ولا ايه قالى لا بسه بدل متقعدوا عليه هههههههههههههه.. شخصيه محترمه جدااااا وبرضه معرفوش كويس علشان اعرف اذا كان متغير ولا لا..
صلاح اللى عنده مسدس ميه:) :صلاح برضه عمل شغل جامد الحقيقه وراجل فعلا ,وراح جابلنا المركب هو وبراهيم وكان واخد باله من الناس ...وصلاح فى الحقيقه هو صلاح فى المدونه..وغلست كتييييييييييييير جدااااااااااااا عليه:) بس مش متخيله لحد دلوقتى انه يلبس الروب الاسود بتاع المحاماه وواقف ادام القاضى والمستشارين .لا ويقول صاصا محامى المتهم:) بس بجد حسيت انه يعتمد عليه ومتخفش لو حصل اى حاجه هتلاقى حد تعرف انك هتعتمد عليه ومش هتندم. (استنوا اشكر فيه شويه دا حاسبلى على التاكسى ياجماعه)
ساسو: دمها خفيف وبتحب تهرج جداااااااااااااااااااا وحسيتها فى الحقيقه احسن من المدونه كمان .
ليدى او بندقه:): هى هى تحسوها بريئه كده وطيوبه وكميله والله وكنت حاسه انها فعلا اختى تلاقوها لو انا اختفيت ثانيه الاقيها بدور عليا:).... ومامتها سكرررررررررررررررره حبيتهم جدااااااااااااااااااااااااااااا....
اميره على الكوكب مهجور ومامتها:سكررررررررر بس اميره حسيتها مش زى مدونتها ,تحسوها فى الحقيقه بتهرج اكتر ومنطلقه اكتر ,غير العواتف اللى غرقانه فيها فى المدونه:)
فاتيما : عسوووووووووووووووووله وكميله ودمها خفيف وكانت كل شويه تيجى تقولى كلمتين حلوين وتجبر بخاطرى.. وانا اقولها هعيط بتكسف:) وكانت فرحانه جدااا بالمنصوره وعاجباها..وهى ماشيه اكتر واحده سلمت عليها جامد جداااااااااااااااا ,شخصيه تجبرك انك تحبها بجد:)
دول اللى انا اعرفهم كويس من مدوناتهم ودا كان انطباعى عنهم فى الحقيقه,,فى طبعا ناس تانين بس للاسف متكلمتش معاهم كتير ومش عاوزه احكم على حد معرفتوش كويس...
وبس خلاص ايه الرغى دا كله:) وعلى الفكره الجو كان تحفه نفسى اعرف مين اللى قال انه هيكون برد,بالنهار كان حرررررررررر وبليل جميل:)
ان شاء الله نتقابل فى الخير واللى مشوفتوش المرادى اشوفه المره الجايه ان شاء الله:) وواخيرا انا مش عاوزه حد يزعل منى انا عارفه انى فى ناس انا نسيت اقول اسمائها انا متاكده لان العدد كان كبير فعلا:(. دا غير ان انتو عارفين الزهايمر ..ياريت محدش يزعل منى ,,واللى مقولتش اسمه يدخل يبهدلنى ويقولى ازاى تجرأتى ومقولتيش اسمى:(
